京東智能餐廳 機械人揸晒Fit! 

京東「X未來餐廳」首家門店舊年十一月喺天津正式開業,從點餐、配菜、炒菜、傳菜,甚至係結算,智能機械人同人工智能(AI)後台都貫穿成間餐廳嘅營運。而餐廳烹飪機械人所使用嘅菜譜係特別邀請名廚度身訂造,並且經過反覆調配而成。結果機械人煮出嘅菜式,幫襯過嘅客人都讚不絕口!

日前京東「X未來餐廳」亦首次對外發布開業至今嘅營運數據,截至十二月底止差不多兩個月,累計客流量超過3.5萬人次,而機械人傳菜嘅距離就超過1,000公里。

餐廳服務流程大致係咁嘅,顧客用餐時,掃碼點餐之後,智能後台就會將炒菜任務分配畀烹飪機械人烹製,平均15至30分鐘就可以完成全桌菜式炒製,每日出菜數量超過600道。

根據統計,餐廳最受歡迎菜式嘅前3位分別係小炒牛肉、香辣大盆雞同葱爆羊肉。消息透露,餐廳已經開始研發新一代烹飪機械人,未來打算進軍全中國主要城市添。

博文来自来源: https://hk.on.cc/hk/bkn/

如涉及版权纠纷,请与网站编辑联系,以便及时妥善处理
赞一下

对我有帮助

已有3人点赞
找不到对应的评论内容


二维码
意见反馈